- Seane: Bana ba tadi ba itsiwe ka mereto. Tlhaloso: Bana ba lelapa ba itsiwe ka mekgwa le maitseo a bona.
- Seane: Bana ba kgwale ba bitsana ka molodi.
Tlhaloso: Motho o tsalana le motho yo o tshwanang le ene ka mokgwa.
3. Seane: Bopelonomi bo bolaile mamasiloanoka.
Tlhaloso: Fa motho a le molemo thata batho ba ka mo tseela dilo tsotlhe.
4. Seane: Bophokoje ba bankgwe ba itsane ka mebala.
Tlhaloso: Batho ba tsalana le ba ba tshwanang le bona ka maitsholo le mekgwa
5. Seane: Dipoo ga di ke di bopa lesaka le le lengwe.
Tlhaloso: Lefelo le le lengwe ga le ke le nna le balaodi ba babedi.
6. Seane: Ditlamelo tsa pula di baakangwa go sa le gale.
Tlhaloso: Motho o ipaakanyetsa go dira sengwe le sengwe nako e sale teng.
7. Seane: Kgomo mogobeng e wetswa ke namane.
Tlhaloso: Motho o tsenngwa mo mathateng ke ngwana.
8. Seane: Kgori e bona mae, lerapo ga e le bone.
Tlhaloso: Gantsi motho ga a itse go farologanya dilo tse di sa tshwaneng. A ka bona tse di molemo fela mme tse di bosula a ka se di bone.
9. Seane: Kgosi thotobolo e olela matlakala.
Tlhaloso: Matshwenyego o otlhe a wela mo kgosing.
10. Seane: Molaya kgosi o a e itaela.
Tlhaloso: Fa o ka tlhotleletsa motho gore a direle o mongwe bosula, ka moso o tla bo a dira mo go wena.
